الذنب.......

تحس بالذنب ونظراتك تفضح خافين مستور


وقفت لحظه وأتساءل ترى ويش الذي قد صار


لعبة غدر وأتقنته تمثيلن بذاك الدور


إنك عاشق وطيب وأثرك قاسي وغدار


نزف جرحي وأتالم وإنته دون أي شعور


تزود طعنتك فيني بكل قسوه بكل إصرار


وطاح الهم بعيوني بغيباتك غدا منثور


يحكي قصة الدمعه اللي كفنت الاعذار


صمتن عايشن حولي ضجيجه ماقواه السور


ولاأشعر إلا بهمساتك تغرودن سكن الأشعار


وعينك ظي متناثر يسرق من سحرها النور


بهدبها سهم يجرح بفتنه تسلب الأنظار


وأثره إن الحقيقه شي عكس اللي بدا منظور


جوهر يخجل المنظر يكسي صاحبه بالعار


راح الزمن يرثيك فيني والوقت بيدور


وتذكر حب أشقيته بخطاك وتشتعل بك نار


واللي يمشي برجوله لحتفه بالكذب والزور




واللي ينقض أحلامه ماله في العشق دستور


يظل مفلس ولوعنده من الدرهم كثير أسعار


وإنته مثل ماإنته حالك بالشقى مأسور


أنا أغشم شخص لك يصدق ف زمان مغلف بأخطار


تعبت آفهمك حبن وأذبح في غلاك سطور


وأسيل دم أشعاري وأقطف يانع الأفكار


وتعبت أخنق أحاسيسي ولابه دمت أو مشكور


تعبت أصنع لك فوادن تبدله بقلبك الغدار


وتعبت حتى التعب مني فر وخاطره مكسور


أتعس شخص فالدنيا يفارقه الغرام وسار


يطارد حلم ماتحقق سره فزفرة العصفور


لا أغواه النسر يجفل لغصن لغصن بين أشجار


رحل هارب من أوجاعه بلاموطن بسرب طيور


ويبيله وقت لو يرجع ويلقى عشه ف تذكار


أنا العصفور وإنت النسر ولك في حياتي طور





سلام وحرب حر وبرد وبرق ورعد ووجع وأمطار



ولو إنك تحس بالذنب ماني من غدى مغرور


ولاني بمستوى حبن يتمايل بقلب صغار