الليل معادى...

تجي ياليل ميعادي

واجيك بلهفتي عاني

أدور فيك راحاتي

وعشق بأجمل عناوينه

لقيتك يالدجى ضدي مع الأقدار تكواني

شخط ف قلبي أحزانك وتسهرني على البينه

وحالي يرثي لحالي

يشكي غدر الأزماني

وأناقلبي ترى ماعاد

يكابد عثرة سنينه

حظي العاثر الأقشر

بدنيا الضيق وداني

ذوت أغصانه المشمش ومات العذق والتينه

لأني ماعرفت أحسب نهاياتي مع أشجاني

طحت ف غبة آلامي

وظروف قاسيه وشينه

تذكرت ف بداياتي معك كنت إتمناني

ومع كثر الغلا مني

أشمك عطر يسمينه

وغيرك ماقدر يوصل لقلبي ولا أحد ثاني

بس إنته اللي أمنته

وآمنت بشينه وزينه

هم وايد بغوا قربي وذلوا النفس من شاني

تتوقع عددهم عشره خمسه أربعه ثلاثه إثنينه

كثار بس وحياتك ولا حد يملي أعياني

بس إنته بس إنته

فرح عمري وتلاوينه

ويوم إني طحت الحين تقول ماعدت تهواني؟

مهو منك تريد الصدق

خطاي عرفتك الحينه

الحين عاد ماتبغي ودادي وصرت ترماني؟

تراه الجمل لاطاح ياصاحبي تكثر سكاكينه